ناس ممكن نفتكرهم عاديين بالنسبة لينا
لكن احيانا
بنحس فجأة انهم وحشينا اوي
مشتاقين ليهم اوي
مش عارفة ليه
ولا ازاي اساسا
بس هو كده
اشخاص معينين بنحسهم في اوقات معينة
منعرفهاش
بس بنحس اننا بنحبهم بطريقة غريبة
حصلت معايا الحكاية دي اكتر من مرة
ممكن الناس دول ميعرفوش اساسا ان ده حصل
وممكن طول حياتي وطول حياتهم ميعرفوش
وممكن لما بحس بده بكلمهم
ممكن مقولش اني حسيته
بس بسمع صوتهم
او ببعت رسالة
او بتكلم واقول حسيت بس انك وحشاني
ناس كتير .. ان لم يكن كل اللي ف حياتي
ميعرفوش اني لما بقولها بكون حساها بجد
مش كلمة وخلاص
بستغرب من نفسي لما بحس بده
بس بفرح اوي
:)
ليست هناك تعليقات:
إرسال تعليق
هيس معايا