أَنْ تَأْتِي مُتَأَخِّراً خَيْرٌ مِنْ أَلَّا تَأْتِي أَبَداً

......

مَا لَا يُدْرَك كُلّه لَا يُتْرَك كُلّه

 

ــــــــــــــــــــــــــــــــــــــــ

أتصطنع التفاؤل علّ نفسي تصدق !

اذبهلال

كل حاجة بقت اوفر اوي
حياتي كلها اوفر
الملل اوفر
الكسل اوفر
الانهزام اوفر
اليأس اوفر
السلبية اوفر
الهبل اوفر
علشان كده
وزي ما قال عمنا نيوتن
لكل فعل رد فعل مساوي له ف المقدار ......
فانا دلوقتي
متنحة اوفر !!!
مش فاهمة
بس بجد متنحة بطريقة رهيبة
مذبهلة
مش عارفة ايه الكلمة دي
بس حاسة انها الحاجة الوحيدة اللي ممكن اوصفني بيها دلوقتي
مذبهلة
مفيش حاجة مدهشة ولا في حاجة تدعو للاذبهلال
بس يمكن من كتر الاستهبال
جتلي حالة اذبهلال
!!!!!!!!!!!!!!!!!!!
مش عارفة بجد ايه اللي انا فيه ده
بس اعتقد لان فعلا لازم رد الفعل يكون مساوي للفعل ف المقدار
فلو كان شوية خنقة وخلاص
ممكن احاول احل المشكلة
او ممكن اعيط شوية ودموعي تخفف عني
او ممكن انام واصحى ناسية كل حاجة
او ممكن اتنشن حتى لاني مخنوقة
لكن انا لا بحاول احل ولا بعيط ولا بنام ولا بتنشن
انا متنحة!
هو ده رد فعلي
اذن
الحالة اوفر صح؟
ممكن اكون انا اللي مكبرة الموضوع علشان كده رد فعلي بقى كده
بس هو كده
ومش عارفة اعمل غير كده
ومعنديش ارداة تخليني اغير كده
هي نفسي اللي عملت فيا كده
وانا مش قادرة اعمل فيها حاجة
ضعفت فجأة
او نفسي هي اللي بقت اقوى فجأة
او انا اللي بضعف بمزاجي وبسيب نفسي لنفسي
يخرب بييييييييييييييييييييييييييييييييييييييييييييييت كده
!!!!!!!!!!!!!!!!!!!!!!!!!!!!!!!!!!!!!!!!
ـــــــــــــــــــــــــــــــــــــــــــــــــــــــــــــــــــــــــــــــــــــــــــ

اول مرة ف حياتي اكتب بالطريقة دي
لكن مش اول مرة اهيس بالطريقة دي
بس كل ما بهيس
بعرف ان مودي مش كويس
خااااااااااااااااااالص

again
نفسييييييي اصررررررخ
!

ماهيتحققش

سنيني بتجري

وانا بجري

وتجري معايا أنفاسي

تسابقني

وتسبقني

ويهرب مني إحساسي

يخوّفني

ويخدعني

ويوهمني اني ناسي

ويهرب تاني مني

ويسيبني

ويصبح قلبي آسي

والاقي نفسي تايه

غريب .. وسط أهلي وناسي

وانا ف مكاني واقف

مبتحركش

لكن نبض قلبي

مبيقفش

بينبض

وينفض

وانا ف مكاني

مبنطقش

فجأة تاه الحلم مني

أو تهت انا منه

مبوصلش

شايف حلمي قدامي

مستنيني

بيناديني

لكن غيامة جوايا

تضلل على عيني

تصبح عينيا

مبتشوفش

يعلى صوت الندا

ويطول معاه البكا

لكن دوشة الصمت

تخلي وداني

متسمعش !

أمد ايديا .. أدوّر

يمكن أحسه

لكن رعشة ف صوابعي

تخلي كفوفي

متلمسش

قلت يمكن يكون قلبي

هو دليلي

لكنه أصبح غليلي

سجني وسجّاني

وبرده هو سجيني

ميتحررش !

حلمت بحلمي بيتحقق

هيتحقق

وروحي ف السما

بتحلق

ناحية هدفي

لكن

مبتصيبش

صحيت من نومي

وصبحت وحلمي لساه

برده متحققش

ماهيتحققش !

ـــــــــــــــــــــــــــــــــــــــــــــــــــــــــــــــــــــــــــــــــــــــ

كلام كتبته من غير ما احس اني بكتب

او هكتب

او ايه اللي بكتبه

بس يمكن علشان حياتي متلخبطة شوية اليومين دول

حسيت كل حاجة بتضيع مني

ربنا يستر

!

نفسيييييييييييي

اصـــــــــــــــــــــــــــرخ

بصوووووووت

عااااااااااااااااااااااااااااااااالي

ااااااااااااااااااااااااااااااااااااااااااااااااااااااااااااااااااااااااااااااااااااااااااه

تعبت بجد

وزهقت بجد

ومش قادرة بجد

مش عايزة اشوف حد ولا اسمع نصايح من حد

كل اللي حواليا بيتكلموا 

كله بقى الحكيم اللي بينصح وبيعظ

انتوا كده بتعقدوا مش بتحلوا

اوعوا تفتكروا انكوا كده بتساعدوني

سيبوني ف حالي بقى

عارفة ان في منكوا مش عايزين مني حاجة غير اني اكون كويسة

عايزين تشوفوني زي ما كنت زمان

بس فعلا كل ما بتتكلموا بتعب اكتر

وكل ما بتقارنوني دلوقتي بيا زمان بتخنق اكتر

عارفة انكوا خايفين عليا

بس بجد كفاية

معلش

بس عايزة افضل لوحدي

عايزة انقطع عن العالم كله

مش عايزة حد يسألني عن حاجة

ولا ينصحني بحاحة

ولا يكلفني بحاجة

لاني دلوقتي وببساطة

ولا حاجة

!!!!!!!!!!!!!!!!!!!

I

want

2

b

alone

4

some

time

ذكراك تراودني

كل شيء حولي يذكرني بك

كل أشيائي الخاصة عليها بصمتك

كلما ذُكر الحبيب جلت بخاطري

كلما سمعت حديثاً عن الحب جرى طيفك في خيالي

كلما قرأت عن فقدان الحبيب كنت أول من أفكر فيه

وكلما تذكرتك .. أبتسم

أشتاقك بشدة

أشتاق كل التفاصيل الصغيرة التي كانت تجمعنا

رغم أني مقتنعة تماماً أنه لم يعد يصلح أن يكون بيننا شيء

فليس كل ما ينكسر يمكن إصلاحه

إلا أنني لازلت أحبك

لازلت أتذكرك في سجودي

لازلت أذكرك في خلواتي

حتى وإن كنت قد اتهمتني بأني سبب ما حدث

حتى وإن كنت قد حملتني وزر كل شيء

إلا أني لا أريد أن أنظر إليك نظرة المظلوم للظالم كما فعلت أنت

بل لا أستطيع ذلك

فأنا عندما أحب ..

أحب بصدق ..

ولا ينتهي حبي لمجرد انتهاء العلاقة

وأنا لا أعرف الكره

أحبك ..

أشتاقك ..

أحن إليك ..

يا من كنت صديقتي

بل

 يا من كنت يوماً أختي ..

حبيبتي ..

رفيقة دربي ..

يا من كنت ذاتي

مجرد لعبة

مع إني مش بحب الجيمز

بس يمكن لاني بشوف فيها حياتي

هجوم عليا من كل حتة ومن كل اتجاه

بس الفرق

اني في اللعبة بعمل اللي مش قادرة اعمله ف الواقع

او محاولتش اساسا اني اعمله

:

بواجه

بحارب

بقع

بس بقوم تاني

وبحاول مرة واتنين واكتر

لحد ما انتصر

مش بستسلم

وان استسلمت

فترة وبرجع استعيد قوتي تاني

مش قوة جسمانية

لكن قوتي النفسية

قوة ارادتي

العزيمة اللي تخليني اقف في وش اي حاجة

قوة الـ " لأ " اللي بواجه بيها اي حاجة عايزة توقعني

لعبة بفرغ فيها طاقتي المكبوتة

يمكن غضب

من نفسي ومن حياتي

يمكن تحدي

ساكن جوايا عايز يثور

بس الواقع الوحيد اللي مش بديله ضهري وعارفاه كويس

ومش بضحك على نفسي فيه

.
.

اني عارفة

انها

مجرد

لـــعـــبــــــــة

!

!

!

" .. إغــمــــاءة .. "

هي كل ما أحتاج إليه الآن !

.............

اشتقت إليك

ضاقت بيا الدنيا

 لقيتني انسان غريب

وبقيت انا حاجة تانية

بجد انسان عجيب

لقيتني بعدت ف ثانية

بعد اما كنت قريب

لقيت قلبي بقى قاسي

عينيا مفهاش دموع

لقيتني بجد ناسي

أي معنى للخشوع

بابا

عارف؟

وانا صغيرة ..

لما كنت بتسافر

كنت بجيب صورتك

وأفضل أعيط

علشان وحشتني

ودلوقتي

لما كبرت

وانا ماشية معاك

بتلكك على اي حاجة

وامسك إيدك

مش علشان خايفة

لكن علشان أحس بأمانك

زي وأنا صغيرة

لما كنت بتحميني من كل حاجة

لما بنقعد مع بعض

بسألك

مش علشان أعرف

لكن علشان أسمع منك

زي وأنا طفلة

لما كنت بتعرفني كل حاجة

..........................................

بحبك

ـــــــــــــــــــــــــــــــــــــــــــــــــــ

رَّبِّ ارْحَمْهُمَا كَمَا رَبَّيَانِي صَغِيرًا

وتمضي الأيام

أنصاع وراء نفسي
تمضي الأيام
لا أفعل شيء
وتمضي الأيام
وأنا كما أنا
فقط أحزن على المفقود
وأُضيّع الموجود!
تفكيري يكاد أن يقتلني
أقضي ساعات طويلة في النوم
هرباُ من الواقع
ومن أفكاري التي تحاصرني
أستيقط ... أفكر ... يرهقني التفكير ... فأنام ...........................
هذه هي حياتي !!

ــــــــــــــــــــــــــــــــــــــــ

حياتي أصبحت رتيبة
أنا اللي عملت كده
عارفة ان كل حاجة بإرادتي
وعارفة كمان اني لو استمريت كده هضيع نفسي
وهندم
اوي

ـــــــــــــــــــــــــــــــــــــــــــ

( أن ترى حياتك تضيع أمام عينيك
وتكتفي بالمشاهدة !
ان تضيعها أنت بيديك ..
أن تهدم مستقبلك قبل أن تبنيه ..
أن تكرر أخطاءك وتعيد الكرة
وقد ذقت من قبل مرارة الندم !
أن تأتي إشراقة كل صباح جديد تحثك على أن تفيق
وأنت تعرض عنها وتقول "غداً"
وما هو بآت !
كم أنت أحمق .. وكم هو ساذج تفكيرك
وكم هو هاااائل كم الغباء الذي يتملككـ ! )

كياني

رسالة عايزة اوصلها لكل الناس
في أفكار ممكن لما تسمعوها
تضحكوا وتتريقوا عليها
وتشوفوها حاجة تافهة جدا
لانها فعلا في ظاهرها تافهة
بس الحقيقة انها
حاجة جوايا
شعور حساه
فكرة ف عقلي
يعني باختصار
جزء من كياني
يعني لما بتسخروا منها يبقى بتسخروا مني انا
ياريت تاخدوا بالكوا من النقطة دي
لانها بتجرحني اوي
سطحيتكوا مليش ذنب فيها
وياريت دايما تطبقوا الحديث
" فليقل خيرا أو ليصمت "
!!!

شرخ

الفقدان

ما اصعبه من شعور

حين تفقد شخصا عزيزا على قلبك

لا يخرج من قلبك بهدوء

إنما يتنزع روحك انتزاعا

ولا يُبقي لك شيء

حتى الدموع

أخذها معه

مشاعرك واحاسيسك كلها قد ذهبت

فقد وهبتها اياه من قبل

لا يترك لك سوى الالم

الم تعجز الكلمات عن وصفه

تعجز الدموع عن البوح به

يعجز البشر عن فهمه

حتى انت

لا تشعر بشيء

سوى ان في اعماق اعماقك

ثمة شرخ

لم ولن يُشفى

فلا هو انفجار بالكلام او بالدمع كي تستريح

ولا هو انفجار داخلي كي تهدأ نفسك

بل أن البركان يظل خامدا

والشرخ يظل باقيا

لا يغيره الزمان

ولا تمحوه الايام

بين الفينة والاخرى

يهتز داخلك شيء

تحسبك ستُشفى

ولكن هيهات

فالهزة تقويه لا تضعفه

هل سيخيب ظنك فيزول الالم ويندثر؟

هل سيأتي أحدهم ليعطيك ما فقدته وأكثر؟

وهل سيعوض ما انكسر ؟

يجيب الجرح ان لا ...

ويأمل تفاؤلك أن نعم ....

ــــــــــــــــــــــــــــــــــــــــــــــــــــــــــــــــ

( أصعب فقد .. هو أن تفقد ذاتك !! )

كلام والسلام

مش عارفة اقول ايه
معنديش كلام اقوله
بس عايزة اتكلم
حابة اكتب


مش عارفة اذا كان حد هيسمعني ولا لا
لكن هفضفض
وانا ونصيبي


مش لاقية حتى كلام
ولا قادرة اعرف انا حاسة بإيه


اصعب احساس ... انك متحسش بحاجة !!
بلادة عمرها ما كانت من صفاتك
بس دلوقتي موجودة


....................................


دايما لما بتكلم ( وده نادرا لما بيحصل ! )
بتكلم على اساس ان في حد قدامي بحكيله
مع ان مفيش حد


.....................................


يمكن يكون كلامي ملخبط حبتين
ويمكن ميتفهمش اصلا
بس اهو كلام وخلاص


يمكن يكون بفايدة
يمكن حد يفهمه
يمكن انا نفسي افهمه
او يمكن .. يمكن ارتاح لما اقوله


....................................


محتاجة حاجات .. مش لاقية حد يديهالي


بواجه يأسي بتفاؤل مصطنع
او مش مصطنع
مش عارفة


صحيح مش حاسة ان التفاؤل ده هو شعوري
بس حاساه جوايا


في اعماقي
حاسة بتفاؤل


في اعماقي
فيه بصيص امل


مش عارفة امتى هييجي النور
ولا امتى هيبقى واقع
بس متأكدة انه هيحصل


عندي يقين في ربنا
واثقة فيه بجد


عارفة اني مهما وصلت لحيطة سد
هلاقي المخرج




يمكن اكون مزوداها حبتين
يمكن اكون ببالغ في اليأس والتشاؤم
او بترجم كل حاجة بعقليتي وبفهمي


بس بناء على كل حاجة مريت بيها
اكتشفت ان مش كل حاجة تترجم
بلاش نترجم كل تصرف او كل موقف او كل كلمة لاي حد
خلينا ناخد مرة الكلام زي ماهو
ولو كان ظاهره سيء
نحسن الظن


او الافضل
بلاش نظن خالص
خلينا نسمع الكلام على انه .. مجرد كلام
كلام بيتقال ومواقف بتحصل و........
بس كده


خلينا مرة نتفرج على الواقع من برة بس
من غير ما ندخل جواه او نكون فيه


مش سلبية
ولا لامبالاة


مش عارفة اسميها ايه
بس احيانا بتكون هي الصح


احيانا بنوصل لدرجة
عندها بنبقى المفروض نعمل كده
نعيش ف عالم تاني
منهتمش بحاجة
علشان مفيش حاجة فارقة


برده مش هروب م الواقع
بس خلينا نقول عليها مواجهة


اه مواجهة
بس بشكل مختلف شوية


او نقول وضع الامور في مكانها المناسب
منديش لحاجة اكتر من حقها
مش اي حاجة تنرفزنا ومش اي حاجة تضايقنا ومش اي حاجة تزعلنا
مينفعش نخلي الناس والظروف والمواقف يتحكموا فينا
احنا اللي نتحكم ف نفسنا
نحكم الظروف
ونحكم المواقف والناس


صحيح مش هنقدر نخلي كل واحد يتصرف على مزاجنا
ومش هنعرف نمشي الظروف زي ما احنا عايزين
بس نقدر نتحكم في رد فعلنا
نعرف امتى نقول لا وامتى نوافق
امتى نغضب وامتى منتأثرش
او زي ما قالت الحكمة اللي معرفش جنسيتها ولا اعرف صاحبها
" لا تدع احد يملأ كأسك " !

أيوة ..
احنا مش ورقة محطوطة ف مهب الريح تحركها زي ماهي عاوزة


خلينا نكون سنبلة تتمايل وتحركها الريح اه
بس متكسرهاش


رد فعلنا يكون طبيعي
يتأثر بالموقف اه
بس منأفورش


مش اي حاجة تكسرنا او توقعنا
احنا اقوى من اي حاجة ومن اي حد


والاهم
لازم نكون اقوى من نفسنا


اه
لان نفسنا اخطر من اي حاجة وكل حاجة
لو سبنا نفسنا لنفسنا
لو اتحكمت فينا
يبقى هتضيع وتضيعنا معاها
لازم نقود نفسنا مش هي اللي تقودنا


....................................


مش عارفة ليه بقول الكلام ده بالذات في الوقت ده بالذات
بس حسيت اني عايزة اقول كده
عايزة ابعت لنفسي الرسالة دي

ويارب
تكون الرسالة وصلت !

كلام صامت

بداخلي كثييييير من الكلام ...

لكني أعجز عن النطق ..

ولا أرغب في التحدث

...........

 

اشتقتلي ...... !



 

الذي يريد التمسّگِ بِك لن يترُگگ ابداً حتىّ لو گِنت گومةً من الأخطآء...

والذي لٱ يريدگِ سيتخلّص منگ حتى ولو گلّف الأمر ان يتعمّد فهمگ خطأ!

{ كلمة قرأتها ولمستني إلى أبعد الحدود !! }

silence

عايزة أتكلم

نفسي أتكلم

محتاجة أتكلم

مش عارفة مش لاقية حد

ولا مش لاقية الكلام

كل ما احاول اتكلم بفشل

ممكن يكون علشان مش متعودة اتكلم واقول اللي جوايا

وممكن علشان حاسة ان اللي جوايا كبير اكبر من الكلام

ويمكن مش لاقية الشخص المناسب اللي احكيله

او في اشخاص مناسبين بس انا مش بحب ابان ضعيفة قدام حد

مش عارفة ايه السبب

ولا كل الاسباب اللي قلتها صح

صحيح انا بشتهي الصمت

بس بجد تعبت

واكتشفت ان كل انسان اضعف من انه يشيل حمل همومه لوحده

لازم يتكلم

صحيح كلنا بنتكلم وبنفضفض عن اللي جوانا

حتى لو بغموض

حتى لو بالتنويه

حتى لو بالإشارة أو بابتسامة بتبين ان اللي جوانا مخلي ابتسامتنا من بره بس

لكن كل ده مش بيريحنا

ممكن يخفف عننا شوية

لكن مش بيزيل الهم

الحاجة الوحيدة اللي ممكن تحسسك ان الهم اتشال من على كتافك

انك تفضفض بيه لحد

بكلام مباشر وصريح

وقتها هتحس فعلا ان حمل كبيير اتشال من عليك

هتحس ان حد بيشاركك همومك

بس المهم

انك تختار صح

تختار اللي يسمعك

اللي يعرف امتى تحتاجه يسمعك ويسكت وامتى تحتاجه ينصحك

يفهم كلامك من قبل ما تقوله

نفسي الاقي الحد ده

نفسي اتكلم

نفسي حواسي كلها تشارك دموعي الفضفضة

............................

يارب

 يـــــــــــــــا رب 

 قلت بيأس : إنّي أتألّم !!   

 فقالت لي آياتك : ولا تقنطوا من رحمه الله

قلت : لا أحد يعلم ما يثقل قلبي ..    

فقالت لي آياتك : إنّ الله يحول بين المرء وقلبه

قلت : ليس عندي أحد ..    

 فقالت لي آياتك : نحن أقرب إليه من حبل الوريد

 

قلت : لا تنســاني ..     

 فقالت لي آياتك : فاذكروني أذكركم

قلت : أعطني أمــــلاً يا رب ..   

 فقالت لي آياتك : إنّ مع العسر يسرا...

قلت : كيف لأحلامي أن تتحقق؟

 

فقلت لي : أدعوني استجب لكم

 

صمت

عندما لا نبكى على أحزاننا فهذا لا يعنى أننا فقدنا الإحساس

 بل أحزاننا كثرت علينا فلم نجد دموعاً تعادلها فاكتفينا بالصمت

احتياج

سئمت من احتضان وسادتي ....

أريدها أن تحتضنني هي ..

أحتاجها أن تضمني إلى حد الاختناق .. !

 

مللت ضمي بيدي ..

أريد يداً أخرى تمتد لتضمنى !!!!

 

 

إلى متى سأظل أشبك يديّ إحداهما بالأخرى متخيلة أن واحدة منهما ليست يدي ؟!!!!!

بسمة في أحضان دمعة

إحـساس صعب عـنـدما تـفقـد شـخـصا قـريبا مـن قـلـبك ...

و تـتـذكـر أجــمــل لـحـظـاتـك مـعـه فـتـظهـر بسمـة عـلى شـفتيك ...

و تـنـزل دمـعـة مـن عـينـيك ...!!

...

و لا تـعـلـم هـل أنت سعيد لـتذكـره ؟؟

ام حـزيـن لـفقـدانـه؟؟



طفولة

اتـــمــنــى ان اعـيـــش كالاطـفــــــال ...

اكـبــــر مـا يحــزننــي هــو لعبــة انكســرت !

وإذا حــــزنـت لا يــدوم حزنـي طويــلا ..

أقــل شـيء يســعـدنـي ..

عنــدمــــا أبـتـســم أبـتـســـم بكـل جـوارحـي ..

عنــدمــــا أضحـــك أضحــك مـن قلبــي

عـنـدمــا أفــرح يسـعـد كـل مـن حـولــي

أحــب بصـــدق .. أفــرح بصـــدق ..

لا أكــــره ولا أخــــون ..

ولا أحـمـــل هـــم شــيء