مع إني مش بحب الجيمز
بس يمكن لاني بشوف فيها حياتي
هجوم عليا من كل حتة ومن كل اتجاه
بس الفرق
اني في اللعبة بعمل اللي مش قادرة اعمله ف الواقع
او محاولتش اساسا اني اعمله
:
بواجه
بحارب
بقع
بس بقوم تاني
وبحاول مرة واتنين واكتر
لحد ما انتصر
مش بستسلم
وان استسلمت
فترة وبرجع استعيد قوتي تاني
مش قوة جسمانية
لكن قوتي النفسية
قوة ارادتي
العزيمة اللي تخليني اقف في وش اي حاجة
قوة الـ " لأ " اللي بواجه بيها اي حاجة عايزة توقعني
لعبة بفرغ فيها طاقتي المكبوتة
يمكن غضب
من نفسي ومن حياتي
يمكن تحدي
ساكن جوايا عايز يثور
بس الواقع الوحيد اللي مش بديله ضهري وعارفاه كويس
ومش بضحك على نفسي فيه
.
.
.
اني عارفة
انها
مجرد
لـــعـــبــــــــة
!
!
!
الجيمز انه ليس مجرد لعبه فقط ولكنه علاج وتنفيس مريح وتفريغ للطاقة اذا لم يجد صاحبها مكانا لتفريغها
ردحذفالفاروق
يمكن
ردحذفبس لما تزيد لدرجة اننا ننسى بيها الواقع
وحياتنا تنحصر جوا اللعبة
وقتها ممكن تكون مشكلة
مشكور على المرور