ياااااااااااه
أول مرة أخرج من مود الكآبة اللي أنا عايشاه من فترة كبيرة
فرحانة .. مش متأكدة من السبب
أو مش فرحانة بمعنى الكلمة
بس على الأقل .. مش زعلانة .. مش مخنوقة

بس اكتشفت اني كئييييييييييييبة لدرجة فظيعة
من شهر تقريبا كان فرح بنت عمتي
رحت بالعافية طبعا لاني اساسا مش بروح اي افراح
وطول ما انا ف الفرح قاعدة مخنوقة
مش علشان حاجة
بس لمجرد اني مش حابة اكون موجودة في المكان ده
في عداء بيني وبين الافراح والحفلات وخلافه

امبارح كانوا البنات عاملين حفلة
مكنتش هروح .. قلت هروح اعمل ايه يعني
بس وعدتهم اني هروح بعد الحاح طبعا
رحت
قعدوا يهيصوا وكانوا عايشين حياتهم
وانا قاعدة ف مكاني متنشنة
حاسة اني غريبة ف الجو ده
بس بعد شوية قعدت اصورهم
بعشق التصوير

دلوقتي فرحانة لمجرد اني مش زعلانة !

صباحكم فرح واشراقة وتفاؤل وبسمة :)

ــــــــــــــــــــــــــــــــــــــــــــــــــــــــــــــــــــــــــ

مقرأتش البوست بعد ما كتبته
بس شكلي اول ما هقرأه همسحه علطول
مش بحب اكتب بالطريقة دي
بحس انه كلام اهبل اوي :)