إلى أولئك الذين يقفون بجانبنا
وهم لا يريدون منا شيء
سوى أن نكون بخير
كم هي رائعة تلك النظرة التي تعتلي وجوههم وقتها
نظرة يملؤها الخوف علينا والصدق المطلق
وكم هو رائع ذاك الشعور الذي يمدونا به
حين نسمع كلماتهم
فترتسم البسمة في قلوبنا قبل شفاهنا
إلى الذين صادفتهم في حياتي وكانوا على هذه الشاكلة
♥ ♥
إلى الذين صادفتهم في حياتي وكانوا على هذه الشاكلة
ممتنة أنا لكم
أشكركم بحجم قلوبكم وما تحمله من طيبة وإخلاص
♥ ♥ ♥
للأسف قليلين اوي اوي :(
ردحذفحلو اوى الاهداء دة بس المشكلة ان الناس دى بقت قليلة اوى او ممكن يكونوا كتير بس موجودين فى حتة بعيدة عن متناول البشر عشان ما يتلوثوش (:
ردحذفنور
ردحذفيمكن
بس لو بصيتي حواليكي .. هتلاقي ناس خايفين عليكي وعايزينك كويسة .. بدون اي سبب او مصلحة ليهم
وممكن كمان ميكونوش قريبين منك ولا حاجة
بس بيحبوكي من بعيد .. ولما بتقعي بيمدوا ايديهم ليكي علشان ترجعي تقومي
كنت فاكرة انهم قليلين بس لما دورت حواليا لقيت ربنا خالق لكل انسان ناس من النوع ده
حتى لو هو محسش بيهم .. بس هما موجودين فعلا وبيمارسوا طقوسهم دي حتى لو من غير ما ياخد باله
بحسهم رحمة من ربنا للانسان
نورتيني حبيبتي :)
RoMa
ردحذفوحلو اوي وجودك بجد :)
نفس ردي على نور
كنت الفترة دي مخنوقة وزهقانة من حياتي
بس قابلت ناس منهم اللي كنا نعرف بعض زمان ومنهم اللي نعرف بعض دلوقتي ومنهم اللي منعرفش بعض خالص
وكلهم مش قريبين مني ولا انا قريبة منهم .. وكلهم مش هيستفيدوا اي حاجة ولا هينضروا سواء كنت انا كويسة او لا
بس خلوني زي البنوتة اللي في الصورة فوق كده :)
بس الفرق اني ابتسامتي مكانتش بره .. اصل انا لما بكون متنشنة مبعرفش افك بسهولة كده لازم شوية نكد :)
بس فعلا خلوني ابتسم من جوه بس
واكيد دي اعمق واصعب
كنت مقتنعة ان ربنا لما بيقدرلنا مشكلة في الوقت نفسه بيخلق جوانا القدرة على تخطيها وحلها
بس دلوقتي بقيت كمان مقتنعة ان لما بنضعف لاننا بشر .. ويكون صعب علينا نكتشف الحل ده ونخرجه من اعماقنا .. ربنا بيبعتلنا ناس زي دول علشان يطبطبوا علينا :)
سعيدة بوجودك .. واستحمل رغيي الكتير بقى :)
:) <3
ردحذف:)
ردحذفمبسوطة بجد بابتسامتك
♥♥♥