تعرف لما تكون ماشي ف طريق .. وطول ما انت ماشي .. كل شوية تقف .. تبص حوالك .. تسأل انا فين؟ .. تبص وراك .. مش عارف جيت ازاي .. بس شايف ملامح من مكانك اللي جيت منه .. تكمل مشي ف نفس الطريق .. وتقف .. تبص حواليك .. تسأل انا فين؟ .. تبص وراك .. تلاقي الملامح عماله تبهت والمعالم تختفي .. تكمل نفس الطريق .. تقف .. تبص حواليك .. تسأل انا فين؟ .. تبص وراك .. قدامك .. يمينك .. شمالك .. مش عارف انت جيت منين .. تقدر تقول دلوقتي انك تهت .. وتكمل الطريق .. تقف .. وتكمل .. وتقف .. وتكمل .. وتكمل .. وتكمل .. وتقف .. وتكمل .. وتكمل ..............................
وتفضل مكمل طريق طوييييييييييييييييييييل منتاش عارف هو ايه ولا ازاي ولا انت رايح فين ..
لحد ما فجأة ..
تلاقي نفسك وصلت لاخر الطريق .. تبص وراك .. طريق طويييييييييل متعرفش ازاي ولا امتى مشيت فيه .. ولا منين جيت .. تبص للمكان اللي وصلتله .. مش ده .. مش ده مكاني .. مش ده اللي كنت جايله .. لا .. مش هو ده .. معرفوش .. ازاي اصلا؟ .. امتى؟ .. هو ده حصل فعلا؟ .. حقيقي؟ .. لا .. مش ده .. انا فين؟ .. لا .. لا .. مش هو ده .. والله ما هو .. انا فين .. لا .. لا .............................
بقالي 3 سنين
3 سنين ماشية ف طريق
3 سنين ببعد عن طريق
3 سنين بقرب من طريق
3 سنين بتوه من نفسي .. او هي بتتوه مني
3 سنين ببعد عن نفسي خطوة بخطوة
وكل شوية اسأل انا مين .. فين انا الحقيقية؟ .. ابص ورايا اشوف ملامح منها لسة موجودة .. اطمن شوية .. واخاف شوية
اكمل زي ما انا .. وكل ما الوقت بيعدي .. كل ما بتتغلغل جوايا اكتر انا الغريبة عني .. وبتبعد اكتر انا بتاعتي
واكمل .. وكل ما يمر الوقت اكتر .. تختفي معالمي القديمة .. وتتأصل فيا معالمي الجديدة .. اللي بقت هي انا
وبعد 3 سنين
دلوقتي
لقيتني مش عرفاني
لقيتني بقيت حد غريب عني
حسيت كتير الفترة اللي فاتت اني معرفنيش
بس دلوقتي مختلف
نظرتي دلوقتي اختلفت عن النظرة الاولى
قبل كده كنت بستغرب الطريق اللي انا اصلا جواه
لكن دلوقتي ببص للطريق من اخره
بعد ما مشيته كله
النظرة دي مختلفة
نظرة بتقول دي مش انا
او بقت انا
بس مش دي
انا معرفهاش
حتى من جوا
انا اتغيرت اوي كده؟
لا
انا متغيرتش
انا اتبدلت
اتبدلت بكائن غريب سكن جوايا
معرفش معالمه
اصلا ملوش معالم
بقيت لا شيء بالمعنى الحرف للكلمة
مش الشيء السيء اللي كنت بشوفه وانا ف وسط الطريق
لا
انا دلوقتي لا شيء فعلا
علشان الكائن اللي جوايا ده خاوي
مفيش جواه حاجة
كله على بعضه عبارة عن شوية حاجات اسوأ من بعضها
مجوف
وجواه فاضي
علشان الفراغ يكمل السوء ده
مش عارفة ليه عيطت
بس عيطت لدرجة اني مكنتش عارفة اتنفس
عيطت لما اكتشفت او ادركت الوضع
مش عارفة الـ 3 سنين دول ازاي عدوا عليا وانا كده
او ازاي انا عديتهم وانا كده
مع اني وقفت اكتر من مرة
بس معرفش ليه كملت الطريق
وكأني استسلمتله
وكأنه كان بيشدني لقدام .. لحد ما اوصل اخره
هي دي انا؟
لو كده
يبقى انا بجد بكرهني
اصلا مش عايزة اعرفني علشان اكرهني
اصلا انا فعلا معرفنيش
اول مرة اقف قدام حالة مبقاش عارفة اقول لنفسي اني ممكن اتخطى ده او حتى اقول اني مش قادره اتخطاه بس عندي امل .. او اننا لازم نقع علشان نتعلم نقوم .. ولازم نمشي ف طريق غلط علشان نعرف الطريق الصح .. او ان كلنا بنغلط .. او حتى اني معرفنيش بس ف اعماقي لسة موجودة انا اللي اعرفها
لا
مش عارفة اقول ولا حاجة من الكلام ده
مش علشان مصدومة
ومش علشان مش عارفة اتكلم
ولا علشان انا جوه الموضوع فشيفاه بعين تانية
لا
الفكرة اني قعلا معرفنيش كليا
من جوا ومن برا
حتى اعماقي معرفهاش
مبقولش كل الكلام ده
علشان مش دي المرحلة بتاعت الكلام ده
المرحلة دي عديتها من زمان
انا دلوقتي ف المرحلة الاخيرة
بعد ما عديت كل المراحل
او بمعنى اصح في المرحلة اللي بعد الاخيرة
وبعد الاخير مفيش كلام
مبيتقالش اي كلام
علشان مبينفعش اي كلام
احنا بس بنبص لكل المراحل اللي عدينها او اللي عديتنا
وجوانا خمسميت الف صوت
بيسألوا مين دي؟ وازاي جت هنا؟
انا رحت فين ؟ مش المكان اللي رحته .. لكن (انا) راحت فين؟؟؟؟؟؟؟؟؟؟؟؟؟
( انا ) اختفت
( انا ) معادتش موجودة
( انا ) وكأنها كانت مجرد حلم صغير وكل اللي موجود دلوقتي هو الواقع وكان الواقع .. بس مينفعش يبقى "هيكون" ...
وتفضل مكمل طريق طوييييييييييييييييييييل منتاش عارف هو ايه ولا ازاي ولا انت رايح فين ..
لحد ما فجأة ..
تلاقي نفسك وصلت لاخر الطريق .. تبص وراك .. طريق طويييييييييل متعرفش ازاي ولا امتى مشيت فيه .. ولا منين جيت .. تبص للمكان اللي وصلتله .. مش ده .. مش ده مكاني .. مش ده اللي كنت جايله .. لا .. مش هو ده .. معرفوش .. ازاي اصلا؟ .. امتى؟ .. هو ده حصل فعلا؟ .. حقيقي؟ .. لا .. مش ده .. انا فين؟ .. لا .. لا .. مش هو ده .. والله ما هو .. انا فين .. لا .. لا .............................
بقالي 3 سنين
3 سنين ماشية ف طريق
3 سنين ببعد عن طريق
3 سنين بقرب من طريق
3 سنين بتوه من نفسي .. او هي بتتوه مني
3 سنين ببعد عن نفسي خطوة بخطوة
وكل شوية اسأل انا مين .. فين انا الحقيقية؟ .. ابص ورايا اشوف ملامح منها لسة موجودة .. اطمن شوية .. واخاف شوية
اكمل زي ما انا .. وكل ما الوقت بيعدي .. كل ما بتتغلغل جوايا اكتر انا الغريبة عني .. وبتبعد اكتر انا بتاعتي
واكمل .. وكل ما يمر الوقت اكتر .. تختفي معالمي القديمة .. وتتأصل فيا معالمي الجديدة .. اللي بقت هي انا
وبعد 3 سنين
دلوقتي
لقيتني مش عرفاني
لقيتني بقيت حد غريب عني
حسيت كتير الفترة اللي فاتت اني معرفنيش
بس دلوقتي مختلف
نظرتي دلوقتي اختلفت عن النظرة الاولى
قبل كده كنت بستغرب الطريق اللي انا اصلا جواه
لكن دلوقتي ببص للطريق من اخره
بعد ما مشيته كله
النظرة دي مختلفة
نظرة بتقول دي مش انا
او بقت انا
بس مش دي
انا معرفهاش
حتى من جوا
انا اتغيرت اوي كده؟
لا
انا متغيرتش
انا اتبدلت
اتبدلت بكائن غريب سكن جوايا
معرفش معالمه
اصلا ملوش معالم
بقيت لا شيء بالمعنى الحرف للكلمة
مش الشيء السيء اللي كنت بشوفه وانا ف وسط الطريق
لا
انا دلوقتي لا شيء فعلا
علشان الكائن اللي جوايا ده خاوي
مفيش جواه حاجة
كله على بعضه عبارة عن شوية حاجات اسوأ من بعضها
مجوف
وجواه فاضي
علشان الفراغ يكمل السوء ده
مش عارفة ليه عيطت
بس عيطت لدرجة اني مكنتش عارفة اتنفس
عيطت لما اكتشفت او ادركت الوضع
مش عارفة الـ 3 سنين دول ازاي عدوا عليا وانا كده
او ازاي انا عديتهم وانا كده
مع اني وقفت اكتر من مرة
بس معرفش ليه كملت الطريق
وكأني استسلمتله
وكأنه كان بيشدني لقدام .. لحد ما اوصل اخره
هي دي انا؟
لو كده
يبقى انا بجد بكرهني
اصلا مش عايزة اعرفني علشان اكرهني
اصلا انا فعلا معرفنيش
اول مرة اقف قدام حالة مبقاش عارفة اقول لنفسي اني ممكن اتخطى ده او حتى اقول اني مش قادره اتخطاه بس عندي امل .. او اننا لازم نقع علشان نتعلم نقوم .. ولازم نمشي ف طريق غلط علشان نعرف الطريق الصح .. او ان كلنا بنغلط .. او حتى اني معرفنيش بس ف اعماقي لسة موجودة انا اللي اعرفها
لا
مش عارفة اقول ولا حاجة من الكلام ده
مش علشان مصدومة
ومش علشان مش عارفة اتكلم
ولا علشان انا جوه الموضوع فشيفاه بعين تانية
لا
الفكرة اني قعلا معرفنيش كليا
من جوا ومن برا
حتى اعماقي معرفهاش
مبقولش كل الكلام ده
علشان مش دي المرحلة بتاعت الكلام ده
المرحلة دي عديتها من زمان
انا دلوقتي ف المرحلة الاخيرة
بعد ما عديت كل المراحل
او بمعنى اصح في المرحلة اللي بعد الاخيرة
وبعد الاخير مفيش كلام
مبيتقالش اي كلام
علشان مبينفعش اي كلام
احنا بس بنبص لكل المراحل اللي عدينها او اللي عديتنا
وجوانا خمسميت الف صوت
بيسألوا مين دي؟ وازاي جت هنا؟
انا رحت فين ؟ مش المكان اللي رحته .. لكن (انا) راحت فين؟؟؟؟؟؟؟؟؟؟؟؟؟
( انا ) اختفت
( انا ) معادتش موجودة
( انا ) وكأنها كانت مجرد حلم صغير وكل اللي موجود دلوقتي هو الواقع وكان الواقع .. بس مينفعش يبقى "هيكون" ...
أنـــــــــــــــــــــــــــــــــــــــــــــــــــــــــــــــــــــا مــعـــــــــــــــــــرفـنـيــــــــــــــــــــــــــــــــــش
بتوجع قووووييييييييييي ='(
ردحذفبس ليه بتقولي كده?
لو انتي مش حاسة ان في امل ، او مش قادرة تقولي هقوم تاني
اللي حواليكي شايفين انك ممكن تقومي تاني
و ممكن يساعدوكي تلاقي نفسك
مش هما عارفينها ? مش هما كانوا بيتعاملوا معاها قبل ما تروح
ممكن يفكروكي بيها تاني
بالله عليكي متفقديش الأمل
أرجـــوكــــي !!!
مش عارفة
ردحذفمش فكرة مش حاسة في امل
لكن عارفة لما تبصي لنفسك فجأة تلاقيكي مش عارفاكي ؟
بيكون صعب تتقبلي االكائن اللي جواكي ده او تتعايشي معاه
بس فترة مجرد ما تأثير الصدمة يروح بعد كده بتبدأي تغيري ده
معتقدش هعرف ارجعني زي ما كنت زمان
ومعتقدش اللي حواليا كانوا يعرفوني كفاية
علشان اهم من الاطار الخارجي .. التفاصيل
تفاصيلي الصغيرة هي اللي فقدتها .. وبناء عليها الاطار الخارجي كمان اتغير
ان شاء الله مش هفقد الامل
وان شاء الله حتى لو عارفة اني مش هعرف ارجع لنفسي .. لكن هبدأ اخلق لنفسي كيان جديد بإذن الله
:)
بشكرك جداااا
على فكره بقى فى امل :) وامل كبير ود ه مش كلامى ده كلام الست فيروز " فى امل اوقات بيطلع م الملل "
ردحذفوعلى غير عادتى بعلق على بوست متشائم بس انا لاقيت انى لازم اتدخل :)
فى امل صدقينى
تحياتى
اممممممممممم
ردحذفعامة انا دلوقتي غيرت نظرتي
مش فكرة تشاؤم وامل
بس غيرت نظرتي لاني تقريبا رميت او بحاول ارمي كل اللي ف البوست ده ورا ضهري
وكأن عمري اللي فات كله سواء الايجابي قبل الـ3 سنين دول او السلبي طول الـ3 سنين .. كأنه مكانش موجود
وكأني ببدأ حياتي من اللحظة دي
وكل لحظة بتعدي عليا كأنها اول لحظة ف حياتي
علشان مش هقف كتير على اي وقعة وقعتها قبل كده
واكيد مش هقف برده على اي ميزة كانت فيا وابكي ع الاطلال
اعتقد بدأت فعلا الحياة الجديدة .. حتى لو مكنتش لسة نسيت اوي اللي فات .. وحتى لو كنت لسة كل يوم بفتكر وبزعل شوية او كتير
بس بإذن الله هكمل الطريق اللي بدأته
وبإذن الله هوصل
:)
ممتنة ليك بجد ع تعليقك اللي على غير عادتك في بوستي المتشائم كعادتي :)
تحياتي ليك