عايزة أقعد في ركن بعيد
محدش يشوفني ولا أشوف حد
عايزة أتكوم في نفسي
وأفضل أعيط
لحد ما دموعي كلها تنشف
عايزة أستخبى جوا نفسي
عايزة أختفي ومحدش يلاقيني
ولا أنا ألاقي نفسي
مش عايزة حضن
مش عايزة حد
مش عايزة غير ركن
يسعني
ويفضل يضيق بيا
لحد ما يكوّمني جوا بعضي
مش عايزة براح
عايزة كل حاجة تفضل تصغر تصغر
لحد ما الفراغ كله يختفي
وضيق المكان يختزلني
لاحول ولاقوة الا بالله
ردحذفصلي علي النبي كدا وكله حيتعدل ان شاء الله
صلى الله عليه وسلم
ردحذفان شاء الله يتعدل
جزاك الله خيرا
تحياتي ليك :)
انتي وصفتي احساس بيجي جوايا كتيييييييييير اوي اوي
ردحذفوعشان كدة حسيت بيكي اوي لما كتبتيه
:(
:)
ردحذفاحساس صعب
اصعب ما فيه .. ان مفيش ركن راضي يكومني جوا بعضي :)
نورتيني حبيبتي
دمتي بخير دائما :)
تمر بنا لحظات كلنا تفكر نفس التفكير
ردحذفالله يوسع صدرك ويبعد عنك الضيق يارب
تحياتي
اللهم اميييييييين واياكي
ردحذفتحياتي ليكي يا قمر :)