" ازيك .. عاملة ايه .. اخبارك ؟؟؟؟؟ "
السؤال التقليدي اللي كل ناس بتسأله لكل الناس
لكن محدش فيهم يعرف انهم لما بيسالوني السؤال ده بييجوا على الجرح .. بيسألوا سؤال مش في المنهج !
ايوة .. دي الحقيقة .. انا مش عارفة الاجابة .. وعمري ما عرفتها
بكرر السؤال في ذهني .. " عاملة ايه .. عاملة ايه .. عاملة ايه .."
صحيح .. هو انا عاملة ايه ؟!!!!
" كويسة .. مش كويسة .. كويسة .. لا ، مش كويسة .. كويسة .. لا لا ، مش كويسة .. "
اقتل الوردة ؟ هي مالها ومالي ... منين هتدرى هي بحالي ؟؟؟
ولما بلاقي لسة الابتسامة الصفرا ع الشفايف .. بقول تمام نحمد ربنا هو عالم وشايف ..
بس جوايا بقول تمام ؟؟ وانا منين اعرف ؟! .. حالي صعب وغامض ومقدرش اوصف
نفسي مرة حد بدل ما يسألني .. عن حالي ييجي هو يجاوبني !!!
عاملة ايه انا ؟؟ انا عاملة ايه ؟؟؟
ليست هناك تعليقات:
إرسال تعليق
هيس معايا